لا تجيب طاري الفرقا....

لا تجيب طاري الفرقا
أنا تعبت وخاطري حيل مكــسور
وش لون أبوقف على عظم ساقي
نعيش في الدنيا على اللف والدور
هذا يبــي صـــدقي وهذا نفــــاقــي
عطني عهد وأعاهدك قلب وشعور
أنك على قلبي مـــدى العمر باقـي
بلاش صد وعند وبعـــاد وغــرور
ونعيش لحظــات الفــرح والتـلاقي
دامــك معاي تصير للجرح دكتور
وأصير لك بلسم لجـــرحك وواقي
أنت الوحـــيد اللي تشكل لي النور
وأنـا الأسـير اللـي بيـــدك وثـاقـي
لا تطري الفرقا ولا تسمع الشـور
لــك كــلي إلا ياحبــيبي فـــراقـي
لكن على فكرة ترى ماأنت معذور
كيــف أتحــمل منك مـــالا يطاقـي
زمــان وعدتـــني وعــــد بلفـــور
وأنا ترانـي راقــــياً وأنت راقــي
يااملي ماأنت على الكذب مجبور
شـوقتني حـتى ملـكت اشتـيـاقــي
زهرة .. ونوري ما يغطيه ديجور
وأنت الوحـــيد اللي ممون وساقي
إذا عشقت بصـدق والله مــا أبور
مــثلي صعيب أنك بعمرك اتلاقـي
لو صارمنك ومني اخفاق وقصور
أنا التــسامح مـــا يفــارق نطـاقــي
ريح آمــال وصــادق الحب منثور
وتصير لـي مــله وأزيد اعتنــاقــي
أنا المؤشر وأنت للسوق هامـــور
عــندك توقـــفني .. ومنك انطـلاقي

اتمنى تعجبكم مثلما اعجبتني

تحياتى لكم

ايه والله جبتهاااااااا على الجرح

أنا تعبت وخاطري حيل مكــسور
وش لون أبوقف على عظم ساقي

مــثلي صعيب أنك بعمرك اتلاقـي
لو صارمنك ومني اخفاق وقصور

يعطيك الف عافيه......

وااااااو

روووووعة يا بنت الدواسر

اثرك منتي هينه في الشعررررررر

يجي يجي منك والله

مشكور وتسلم يدك