على ذكر المواجع والسفروالحل والترحال
طويت اخر ورق عندي في دفتر احزاني
طويته وانكسر قلبي وصوتي بالمواجع سال
ودريت ان الظلام اللي تحت كف السهر جاني
جلست اجمع مسافاتي واغني للسفر موال
على صفحه من الماضي بها حلمي وعنواني
بها كم سافرت عيني ليلاي والظلام أهوال
وبها كم سافرت روحي وانا بالليل وحداني
حبيبي ليله البارح مشيت من الغرام اميال
واناظر رحله الذكرى هدب عينه يغطيني
حبيبي كل ماشوفك تجي بالذاكره تختال
تخيل يوم عانقني خيالك خاطري وش قال
تخيل اسولف لك نشدني عنك وجداني
نشدني لين خلاني مدينه هزها زلزال
تخيل ما هدى حتى لقاك بوسط شرياني
اروح لسدرة الموعدمعاي لموعدك مرسال
واخاف انك تجي قبلي
وترحل قبل تلقاني
هنا كانت مواعيدك مطر تخضر اغصاني
هنا كانت نواظرنا سوالف في كلام اطفال
وهنا كانت عصافيركعلى دربي تحراني
هنا شف باقي اثارك على رمل الوعد مازال
وهنا شف دمعه طاحت من عيونك على شاني
حبيبي لاتنشدني عن
اوضاعي وكيف الحال
انا بعدك سحاب ابيض اضم الريح بأحضاني
غلاك بدله الذكرى بهار وهاجسي فنجال
تقهواه الجروح اللي بها ذكراك تنصاني
تسافر بي واحسب اني وصلت اخر وطن بالبال
واثرني ماوصلت الابدايه درب حرماني
وتبقى سيره الذكرى قصيده تكتب الترحال
سوالف للعيون اللي صداها دمعة احزاني
تحياتي لذة غرام
موضوع: على ذكرا المواجع 
الإثنين 21 أبريل - 22:12
