يا صاحبي لا تنشد علوم خلك
من غيبتك ملّ العتب يتبع خطاك
ما ظنتي مثلي جفا شخص مثلك
لكن مثلك يحرق قلوب بجفاك
كم لي وأنا حاير على دروب وصلك
مجروح في وسط الحشا أبغي دواك
لا شفت لا بعدك ولا شفت قبلك
حسنٍ كسى مخلوق من عجب ما جاك
من بعد ما زان الوفى قلت من لك
قلت انت كلي يا بعد كل من جاك
أعشق ترابٍ لامسه سير رجلك
وامشي على دربٍ يجي فيه ممشاك
كل الندى يقصر إذا حل طلك
ويطيب زهرٍ لو نهل من بعض ماك
وشعور صادق ما خفق غير لجلك
لن المشاعر لا طرت تسعد وياك
لا قام خلك أنته هالحين خلك
بجيب نجمٍ لجل يعرف وش ضياك
يا وجد حال اللي ف قلبه محلك
لا رام من دونك ولا رام ينساك
ما لوم من قال العشق صدق يهلك
لو شفت زولك أو براءة محياك
والزين كله يحتويك انت كلك
والطيب يزهابك وذا الحسن يزهاك
وورود تسأل هالبشر وين يسلك
من حيث يمشي عطره يجيك مناك
يا شوق عين اللي نشد وش حصلك
يسأل وهو عارف فعل بيض يمناك
مديت لك حبلي ومديت حبلك
أطلبك تعطي تطلب أعطي خذ وهاك
والجود منك وجمل الطيب فعلك
اللي بيمينك ما درت عنه يسراك
والخافق إليا رحت دايم يدلك
وكل الدروب اللي تجيها تمناك
كنك سما ما كل شخصٍ وصلك
ويا حظ مشتاق بدفا الغيم يلقاك
خذني أنادم حسك العذب جعلك
ما تشوف غير اللي بينسيك فرقاك
القلب ما ملّك ولا الشعر ملك
ولجيب لك شعر يصفق له أعداك
وجيتك بشوق يآصلك لين حلك
ويا حي شوقٍ لو يجي فيه طرياك
وفي القلب لك قصرٍ وهو منعزلك
أنت الوحيد ويا جعل عمري يفداك
موضوع: ** .. أنت الوحيد .. ويا جعل عمري فدااااك .. ** 
السبت 30 أغسطس - 18:31
