ياليت قلبي قبل لا اعرفه تدفنته

أسف انا في حبـي لـك تسرعـت / /ظنيت الاقـي فيـك شـيٍ فقدتـه

كنت احسبك مجروح مثلي تولعـت / /جربت فرقى شخص قلبـك وهبتـه

كنت احسبك من مر جرحك تجرعت/ /حبيت فيك احسـاس طفـلٍ لمحتـه

لوقلت آآآه بوسط روحـي توجعـت/ /ولو شفت دمعاتك شعوري سكبتـه

ولو تطلب اعيوني ابد مـا تمنعـت/ /واعطيك قلبي لو بعـد مـا طلبتـه

وصلت بك.. اعلى مكان وتربعـت/ /وفي قلب غيري ياالغضي ماوصلته

واصبر على صدك واشوفك تدلعت/ /واعطيك ود ومـا اظنـك حسبتـه

اذهلتني بطباعك اللـي ...تطبعـت/ /حتى قصيدي فيك ابـد مـا فهمتـه

لو كان غاياتك حروفي فانـا بعـت/ /وافرح بجرح الشاعر الي جرحتـه

وأرجوك من صدك تراني تشبعـت/ /خلك مع اللـي عاجبـك او عجبتـه

يكفي قهر في جيتي لك تواضعـت/ /تركت غيرك لجـل عينـك وبعتـه

ياليتني عـن حـب مثلك..ترفعـت/ /ياليت قلبـي قبـل اعرفـك دفنتـه

لكن اببعـد دامنـي بـك توهقـت/ /الله يرحـم حبنـا اللـي ذبحـتـه

انا شريت الود والحيـن انـا بعـت/ /وانا عطيتـك قلبـي اللـي قهرتـه

في يوم جيتك اطلبـك ود واقنعـت/ /نفسي بانك شخص عـادي عرفتـه