صمــــت المشــاعــــر

السلام عليكم ورحمة الله وبركاته
~~~

تدري وش أكثر ما يحطم فؤادي ؟؟
أكذب عليك .. كل ما جيت أحاكيك !!

أقول أنا ما أبغاك .. وإنت مرادي ؟؟
وأقول ما أحبك .. وأنا ميت(ن) فيك ؟؟

لا والذي ميزك .. دون العبادي
بضحكاتك إلي تفكك القلب تفكيك

لولاك أنا ماهمت في كل وادي !!
ولا حديت الخطى .. تتبع خطاويك

من حيث ما وليت ساري وغادي
يقودني شوقي ليعينك .. وأجيك

أجيك متلهف .. مزهب عتادي
آخر حروفي .. وأجمل إلي إنكتب فيك

ولاجيت يمك .. صاب جسمي رعادي
يتلعثم لساني .. من قبل لا أحيك !!

وتقفي وأنا أقفي .. وكل منا ينادي
قلبك يناديلي .. وقلبي يناديك ..

والمشكله .. إنك بطبعك عنادي !!
وأنا بنفس الطبع .. طبعا أجاريك

وصمت المشاعر بيننا .. غير عادي
ياخي تعال .. وخل عنك تغليك ؟؟

فـ إن شفت مني زعل .. يا ودادي
أزعلك دايم .. على شان أراضيك

وإن قلت لك ما أبغاك .. فـ إنت مرادي
وإن قلت ما أحبك .. فـ أنا ميت(ن) فيك !!

وسلاااامتكم
صمــــت المشــاعــــر Smile

مشكور على القصيدة