يكفي نزف يا قلبي ترى دمعك علي غالي
وكفايه دمع يا عيني نزفتي كل ما فيني
دخيلك طيب جروحي ضاعت مني امالي
ترا مالي بهالدنيا سواك احد يواسيني
ولو صاحت جروحي دخيلك ارفق بحالي
اخاف صراخها يحيي جروح أكثر تعنيني
شربت المر في عمر الزهور وزادت اعلالي
وعجزت القى .. فـ هالزمن طب يداويني
وحيده قمت انادي الفرح وعمره ما جالي
وطفت بين اربع جهات .. ادور من يسليني
عشقت الحزن غصب عني بلا اول ولا تالي
وسكنت الجرح يا قلبي وصار اول عناويني
تنهدت على همسك ودمعي صار متوالي
وانا اردد يا قلبي كفايه دمع يا عيني
متى جروحنا تذبل؟ متى الجو يصفالي؟
متى الدنيا تضحك لي؟ ومن حلاها تسقيني
ربك كريم بسهلها .. هو عالم بأحوالي
خلاص مابي نزف أكثر مابي دمع يشقيني
موضوع: كفايه دمع يا عيني 
الأربعاء 6 أغسطس - 19:34
