وينك يوم جرحي ينزف تعب أوجاعه
وينك يوم كان يتمنى راحته ساعه
ليش راجع ؟؟ ووش تبي ؟؟
ما كفاك سهم(ن) رميته وسط قلبي
حتى قبل مماتي ماسمعت الوصيه
ودي أعرف
ليش راجع ؟؟ ووش تبي ؟؟
تبي هداياك ؟ وورودك ؟
صحيح وش يبي فيها انسان ميت!!
كلها عندي .. وبتوصلك
لوتبيها .. مالها عندي وطن
ارفعه راسك .. وناظر عيوني
لا
انت تبكي ؟؟!! مااصدق
ليش تبكي .. والبكا ماله سبب
ودي تحكي .. بدل تجريح الهدب
تصدق !!
كنت أحسبك انسان ما يدمع
ولأول مره .. وبتنكتب في صفحة تاريخ أمجادي
دمعه نزلت من عين (...) وانا احسبه جمادي
واللي أجمل من كل هذا وهذا
ان اللي أدمعت عينك أنا (....) ..
أحس اني قويه..
وربي أحس اني ملكه..
وينه سهمك ما جاني قبل هالوقت
يوم كلي نزف بالجرووح
قم ارفعه راسك .. وقل لي وش بغيت؟
آمر .. ترى دمعي صار صعب ينشاف
والا تراني حتى لو حزنت الدمع شفاف
دامك مطوول بالبكا
اسمع كلامي ..
سألوني الناس
قالوا .. وش لك بالشقا يومه رضا بالبعاد
كان صمتي هو كلامي
سألوا .. وش أوصاافه ؟؟
كنت أقوول قلب(ن) من حديد ..
لا ظلم يرضى به .. ولا حب(ن) ضعيف ..
له قلب(ن) حنون .. كله اخلاص
وله عين(ن) لو شافت الوقت ما تــنام
وله من الطيش الحلو يسحر أوصاف البنات
نمت في حلمك تصدق..
خلاص انتهينا .. قصه وطلعت خراف
قمت من حلمي .. وللأسف بعد ما الراس شاب
ناظر عيوني دقايق ابقول لك كلمات
كنت لي مثل الدفا لاجات ليلة البرد..
وكنت لي مثل الهوا أتنفسه ..
وكنت لي أحلى حلم .. وأحلى سراب
وكنت لي أحلى حكايه .. وكنت لي أحلى جنوون
كنت لي راحة منامي ..
كنت لي موطن أحلامي
طعنت الروح مع ان الروح تهواك
طعنت القلب مع ان القلب حباك
قلبي صار من ورق .. ودمعتي صارت صعيبه
لو قسى القلب أو رق.. مافيه شي(ن) لك أجيده
طالبتك ..
يالله تغرب
فمان الله ياللي كنت لي أعز انسان..
نسيت .. وأنساني الشيطان
تبي ورودك ؟ .. وباقي الهدايا
دقايق وتوصلك ..
لاتكلم .. ماابي اسمع كلامك
نظرة عيونك فاهمتها
انت خنت .. وأنا مت
وهذي آخر هالحكايه
تعال خذ وردك مع ان الورد جف
تعال خذ أوراقك شوفها صف
وهذا منديلك على ذاك الرف
واغترب..
ولاتحاول بالرجووع
من يكلم انسان ميت ؟!
ومن حسن حظك منت مسجوون
قتلتني بسهمك وللأسف محدن درى بك
تعذب عادي ماصار عندي قلب
وذاك اليوم وانا اتعذب وتاركني ولاتدري
فمان الله ياصايب القلب سهامك
فمان الله يا أكبر قصة جرووح بدنيا عشتها
موضوع: توك بهاللحظة تجي؟؟ 
الإثنين 19 نوفمبر - 23:14
